安南小館 (形點) (Closed)

又來食了！今次叫多左好多野食~必叫的有海南雞飯、火車頭牛肉河、羅白時蔬！不得不讚羅白，真係好好好好入味，我地仲要叫左兩份！今次叫左D新野, 沙律其實都幾清新, 但咁凍食沙律就覺得爭咁D~佢地ge蒜蓉牛油雞翼都係不得了，二人餐會有兩隻，但另外再叫就有四隻，賣相同味道都吸引d!佢d蒜蓉味唔會太重，岩岩好~最中意都係越式清補涼！次次來都淨係飲呢個， 甜度剛剛好，又可以清熱，簡直一流~火車頭牛肉河又係好入味，清清地但味道夠，都幾正!另外仲叫左個外賣海南雞飯，第二日帶飯食，海南雞始終要新鮮食先好味，第二日帶飯就好似冇咁惹味了，但係仍然好滑！