On The Spot Cafe Bar Restaurant

Open Now

Now Closed

今日又黎 On The Spot 食飯，我地係常客黎㗎～因爲真心覺得依度食物質素很不錯，環境又舒服，整體性價比高。貪地理位置方便，由天后地鐵站A2出口行大概兩分鐘就到，而樓上舖好處就係環境寧靜寬敞，我地正正鍾意呢點。香蒜忌廉白酒煮藍青口伴法包我第一次食新鮮藍青口，同之前以前吃嘅急凍青口真係相差甚遠!!  先講新鮮度，青口肉質飽滿，一啲都唔霉唔腥，應該係白酒做到除腥嘅作用，而法包係一個好好嘅搭配，因為可以點香蒜忌廉醬汁，吸收曬海鮮嘅精華虎蝦香蒜番茄扁意粉我地一開頭以爲係一碟好普通嘅番茄意粉，但係尾韻竟然食到微微嘅辣係意料之外嘅驚喜。佢嘅辣一啲都唔唐突，其實嗰調味幾夾～仲有幾抵食既係有一隻大虎蝦，肉質厚身鮮甜。樹林裏迷路的鷄我地之前成日叫牛頰肉，雖然的確係好食，不過今次我地想換口味，無諗過會有意外驚喜。上菜嗰陣我地完全唔信係鷄肉，因爲佢係一卷卷，好奇特。不過食落發現鷄肉口感扎實，調味濃郁，搭配薯泥一齊食口感更佳。而且唔好睇佢不要分量好似好少咁，其實都幾飽肚架。