Video
Read full review
2023-05-16
21 views
之前幫襯過銅鑼灣糖街嗰間「Pigsman」豬扒專門店，食物質素相當有驚喜，賣相與味道俱佳。最近餐廳選址蘇杭街插旗，趁假日專登過嚟支持下。餐廳以英國特工為主題，由門面以至店內嘅裝修都很有格調，融合了電影「皇家特工」跟「007 特務占士邦」嘅特色，非常吸睛。餐牌選項豐富，豬扒飯一共有 7 款，有焗有唔焗，另外亦有漢堡、多士、沙律同小食等可供選擇。我哋點咗個 Combo Mission A（$92）：威士忌 BBQ 豬扒飯+手打豬肉丸+汽水Agent Jack 特務J招牌威士忌 BBQ 豬扒飯，豬扒用咗肉眼位，切成條狀，每件厚約 2cm，食落好有口感，帶濃郁 BBQ 香氣，細嚼下更可嚐到陣陣威士忌嘅醉人酒香，美味。豬肉丸即叫即炸，賣相非常靚仔，食落口感好正，彈牙濕潤，同附上嘅燒汁簡直係 Perfect Match！另外再加咗個越式水咖喱豬扒飯同豬榴彈。Agent Curry 特務C越式水咖喱豬扒飯 ($63) 咖喱調校得啱啱好，味道唔會過辣，豬扒鬆化有咬口，食落帶陣陣香茅嘅清新香氣，充滿越式風味，值得一試。手打雙層豬柳芝士漢堡 (豬榴彈；$63) 手打豬柳扒 2 大先塊，咬落好 Juic
之前幫襯過銅鑼灣糖街嗰間「Pigsman」豬扒專門店，食物質素相當有驚喜，賣相與味道俱佳。最近餐廳選址蘇杭街插旗，趁假日專登過嚟支持下。
餐廳以英國特工為主題，由門面以至店內嘅裝修都很有格調，融合了電影「皇家特工」跟「007 特務占士邦」嘅特色，非常吸睛。
餐牌選項豐富，豬扒飯一共有 7 款，有焗有唔焗，另外亦有漢堡、多士、沙律同小食等可供選擇。
我哋點咗個 Combo Mission A（$92）：威士忌 BBQ 豬扒飯+手打豬肉丸+汽水
Agent Jack 特務J招牌威士忌 BBQ 豬扒飯，豬扒用咗肉眼位，切成條狀，每件厚約 2cm，食落好有口感，帶濃郁 BBQ 香氣，細嚼下更可嚐到陣陣威士忌嘅醉人酒香，美味。
豬肉丸即叫即炸，賣相非常靚仔，食落口感好正，彈牙濕潤，同附上嘅燒汁簡直係 Perfect Match！
另外再加咗個越式水咖喱豬扒飯同豬榴彈。
Agent Curry 特務C越式水咖喱豬扒飯 ($63) 咖喱調校得啱啱好，味道唔會過辣，豬扒鬆化有咬口，食落帶陣陣香茅嘅清新香氣，充滿越式風味，值得一試。
手打雙層豬柳芝士漢堡 (豬榴彈；$63) 手打豬柳扒 2 大先塊，咬落好 Juicy，啖啖肉汁。麵包烘得好脆香，鬆軟得嚟又有牛油香；中間仲夾咗芝士、蕃茄同生菜等，配上酸酸甜甜嘅醬汁，超好食，醒胃惹味！
Post
