生龍清湯腩 (Closed)

最近油麻地開咗間新店，唔講唔知原來已經有20多年歷史，採用新鮮騸牯牛，主打清湯牛腩，除此之外亦提供多款港式料理同小食，值得一提嘅係呢度嘅店員服務態度超級friendly，而且價錢都幾親民化，經過值得到訪支持！毫不猶豫叫咗碗招牌嘅清湯腩河，湯底清甜滋味，肉質嫩滑可口，河粉軟硬度適中而且夠掛汁！鮮蝦雲吞麵同樣出色，以清水蝦籽、泰國蝦米、大地魚、新鮮豬骨羅漢果慢火熬煮，雲吞餡料飽滿，一口一粒，麵條彈牙，鮮甜。估唔到呢度仲有巴基斯坦咖喱，由本店創辦人集合40多年烹調經驗獨家研製，可以選擇大中小辣，香濃惹味，搭配薯仔同牛肉都幾match，點埋薄脆又唔油膩嘅薄餅，性價比高☺️瑤柱娃娃菜牛腩以鍋上，熱辣辣唔怕放涼影響味道，配料吸滿湯汁，超級入味，配飯一流、黑白胡椒煨牛尾份量比想像中多，胡椒調味令到整體味道昇華咗，蘿蔔夠淋又夠甜，西洋菜都幾新鮮。最後食埋甜品，唔甜，正，呢餐好滿足呀！