Video
Read full review
2020-10-13
81 views
店門口海報印住：「食重慶火鍋一定係 渝味曉宇」，一於入去試下係咪咁堅🤔。答案係真係好堅，堅辣，堅新鮮，堅正😋。鍋底有九宮鍋同鴛鴦麻辣鍋選擇，因為九宮鍋九格都係辣，所以建議初試既人叫鴛鴦麻辣鍋，一面辣一面唔辣。---內臟類鮮鵝腸爽口彈牙，加上麻辣湯底十分上癮。份量亦十足。鴨血十分入味，質地較為硬身。建議搭配麻辣湯煮食，清湯只會浪費左佢吸湯既特點。---肉類美國安格斯肥牛係厚切架，真係估唔到。睇到條邊同雪花，哇，真係夠肥。夠牛味，用麻辣果邊煮都擋唔到肉味。咩話？打邊爐食臘腸？細細條既廣味小臘腸方便原條一下放入口。唔似傳統臘腸好難咬，又大好大陣臘野味。呢個味道恰到好處，估唔到臘腸都可以咁好食。---海鮮類桂花蚌係我平生食過最好食既蚌。碟上插有旗仔示意返要淥幾耐。淥太耐既話就會縮晒水架啦。口感超級彈牙，味道超級鮮甜，勁正。手打蝦滑用竹桶裝住，有魚籽作點綴。魚滑起膠見到師傅手打功架。---蔬菜類人唔多又想食菜，單點又驚會食厭，所以我地叫左田園菜籃。有啲咩？咩都有啲囉。菜好新鮮爽口，食完辣野用清湯中和下，啱啱好。功夫萵筍。師傅功夫勁😆！萵筍都可以切到咁簿，擺盤擺到挑花咁。食落好爽口。招牌必點─曉宇
鍋底有九宮鍋同鴛鴦麻辣鍋選擇，因為九宮鍋九格都係辣，所以建議初試既人叫鴛鴦麻辣鍋，一面辣一面唔辣。
---
內臟類
鮮鵝腸爽口彈牙，加上麻辣湯底十分上癮。份量亦十足。
鴨血十分入味，質地較為硬身。建議搭配麻辣湯煮食，清湯只會浪費左佢吸湯既特點。
---
肉類
美國安格斯肥牛係厚切架，真係估唔到。睇到條邊同雪花，哇，真係夠肥。夠牛味，用麻辣果邊煮都擋唔到肉味。
咩話？打邊爐食臘腸？細細條既廣味小臘腸方便原條一下放入口。唔似傳統臘腸好難咬，又大好大陣臘野味。呢個味道恰到好處，估唔到臘腸都可以咁好食。
---
海鮮類
桂花蚌係我平生食過最好食既蚌。碟上插有旗仔示意返要淥幾耐。淥太耐既話就會縮晒水架啦。口感超級彈牙，味道超級鮮甜，勁正。
手打蝦滑用竹桶裝住，有魚籽作點綴。魚滑起膠見到師傅手打功架。
---
蔬菜類
人唔多又想食菜，單點又驚會食厭，所以我地叫左田園菜籃。有啲咩？咩都有啲囉。菜好新鮮爽口，食完辣野用清湯中和下，啱啱好。
功夫萵筍。師傅功夫勁😆！萵筍都可以切到咁簿，擺盤擺到挑花咁。食落好爽口。
招牌必點─曉宇苕粉，亦即是薯粉。煮熟後晶瑩剔透、爽口彈牙。
呢條係麻辣湯煮既粉吸晒湯汁既精華，麻辣漂香，鍾意辣既人真係不容錯過。---
飲品及甜品
個湯都幾辣下，所以我地叫左一渣洛神花茶，價錢比散叫平，又大大渣唔怕唔夠解辣。
甜品方面，我地叫左紅糖冰粉。冰粉類似涼粉，但透明，十分精緻。加埋紅糖同堅果一齊食，有少少台灣風味。
Post
