龍鳳號 (Under Renovation)

之前嚟食01嗰陣，見到近電梯位都有間餐廳食台灣菜，今次就嚟試試佢。食咗：▪️古早味魯肉飯 $38｜雖然只係$38，一碗仔咁樣，但原來飯量都唔少。面頭放有夠食晒成碗飯嘅魯肉，鹹甜適中，肥瘦啱啱好，食晒都唔會太油膩。飯量真係算多，兩個人可以嗌一碗飯加多份小食都實夠。▪️鹽酥雞 $42｜以為魯肉飯嘅份量已經夠出乎意料之外？呢個鹽酥雞更驚人，用一個好似缽嘅兜裝住，裝到滿一滿。有幾多嚿雞就真係無認真數，只係知道好似食極都仲有咁😆雞粒新鮮炸起，香脆，有幾片九層塔同幾粒蒜頭碎。不過鹽酥嘅感覺唔算好濃烈，雞粒夠鹹，但五香粉可以落多少少。▪️桂圓雪梨茶 $28｜嗌咗炸嘢食，想叫返杯清清嘅涼茶，就叫咗呢杯雪梨茶。本身以為有桂圓食🤣不過原來係無渣嘅，即開即飲，咕嚕咕嚕。雪梨茶味道清甜，解渴。以膠樽裝住，飲唔晒拎走又得。