第三站

第三站Cafe真係一個俾朋友聚會，傾偈嘅好地方。喺第三站Cafe，佢會有按人頭計嘅套餐，最平嘅套餐，都係以人頭計$150內。已經會有雞翼，薯角，等等既小食。又有焗意大利飯，意粉等主食，食物嘅份量，一定夠飽肚。而且最重要嘅係，佢哋有好多唔同嘅飲品，可以俾大家選擇，而且仲要係任飲嘅。我哋夜晚七點入場，可以俾我哋坐到佢哋收工，即係10點幾。同埋，佢哋有好多桌面遊戲提供俾大家去玩，所以呢度真係一個朋友聚會嘅好地方。