Video
Read full review
2018-04-06
154 views
見今日天氣咁好，又好耐無入過嚟西貢行下，就同伴侶入嚟遊下車河，路過西貢碼頭嘅時候，見到呢間餐廳竟然有我哋去泰國旅行嗰陣喺沙灘食飯嘅時候坐嗰隻坐墊，即刻喚醒哂我哋對泰國嘅回憶，所以今晚嘅晚餐就選擇咗呢一間餐廳喇。餐廳嘅裝橫都帶點泰國風，又有波篤同一個大櫃嘅board game 俾食容借玩，同個餐廳名一樣，帶俾我一個泰國嘅moment，場內大約七成都係外籍嘅顧客，好有離港嘅感覺。呢度主打各式各樣嘅手工啤酒，即刻嗌番個本地自家釀製嘅門神啤先，揀咗Monkey King馬騮皇，色澤係動人嘅琥珀色，入口先係有一陣微微嘅焦糖香氣， 緊接住嘅就係豐富嘅果味，留有少少麥香嘅餘韻，aftertaste令人滿意。蟹餅，蟹餅炸得酥脆，淨係切開嗰一個moment都已經聽到咯咯聲，咬開脆卜卜嘅外層，裏面係一絲絲新鮮蟹肉，蟹肉嘅份量都好多，而且明顯無溝到其他下欄入去個蟹餅入面，加埋面頭個沙律醬，酸酸地十分開胃。七天風乾”LINZ RESERVA”鐵板燒烤安格斯肉眼扒，飲完杯啤酒之後就開始食個main，肉眼扒賣相吸引，經過風乾後牛味更濃，肉汁豐富，油脂唔算好多，左上角既係芥末籽燒汁，燒汁肉味香濃，不過同芥末籽好似無
見今日天氣咁好，又好耐無入過嚟西貢行下，就同伴侶入嚟遊下車河，路過西貢碼頭嘅時候，見到呢間餐廳竟然有我哋去泰國旅行嗰陣喺沙灘食飯嘅時候坐嗰隻坐墊，即刻喚醒哂我哋對泰國嘅回憶，所以今晚嘅晚餐就選擇咗呢一間餐廳喇。
餐廳嘅裝橫都帶點泰國風，又有波篤同一個大櫃嘅board game 俾食容借玩，同個餐廳名一樣，帶俾我一個泰國嘅moment，場內大約七成都係外籍嘅顧客，好有離港嘅感覺。
呢度主打各式各樣嘅手工啤酒，即刻嗌番個本地自家釀製嘅門神啤先，揀咗Monkey King馬騮皇，色澤係動人嘅琥珀色，入口先係有一陣微微嘅焦糖香氣， 緊接住嘅就係豐富嘅果味，留有少少麥香嘅餘韻，aftertaste令人滿意。
蟹餅，蟹餅炸得酥脆，淨係切開嗰一個moment都已經聽到咯咯聲，咬開脆卜卜嘅外層，裏面係一絲絲新鮮蟹肉，蟹肉嘅份量都好多，而且明顯無溝到其他下欄入去個蟹餅入面，加埋面頭個沙律醬，酸酸地十分開胃。
七天風乾”LINZ RESERVA”鐵板燒烤安格斯肉眼扒，飲完杯啤酒之後就開始食個main，肉眼扒賣相吸引，經過風乾後牛味更濃，肉汁豐富，油脂唔算好多，左上角既係芥末籽燒汁，燒汁肉味香濃，不過同芥末籽好似無乜關係；配菜係炸洋蔥圈同車厘茄，不嬲極鐘意車厘茄或者蕃茄同牛扒呢一個配搭，尤其是經過烤焗既車厘茄，軟腍既茄肉加埋酸甜既蕃茄味，剛好中和咗牛扒既滯膩感。
印像中呢一間餐廳嘅前身都無依家咁多人，自從轉咗手之後，啲人就多咗咁多，餐廳嘅人氣果然係同食物嘅質素掛勾啊吓。
Post
