板卷

Open Now

Now Closed

以往睇演唱會，都係響置富都會搵嘢食，最後都係求其一間有位就食。今次決定睇演唱會之前去黃埔逛一逛，見到一間日本嘢食就入左去試吓。我坐低咗之後，好快全部枱都陸續滿客了～重點係食後感：食物水準高、價錢好公道、服務員有禮、店舖環境乾淨舒服。其次嘅重點，就是整晚都沒有叫服務員加過茶，因為她們已經主動做了👍🏻要讚啊👍🏻第一個上嘅菜係軟殼蟹牛油果中華沙律，因為好肚餓立即起筷忘記影相～其他就係圖片中的👍🏻食晒之後，我朋友話想食多一個關東煮。食完之後我已飽到上心口🤪，關東煮又係唔記得影相😬鑒於仲有時間，加上食到咁飽，就決定做返啲運動，行去紅館睇演唱會～～最初諗吓會唔會有啲遠，但係行咗10分鐘路程就到啦👍🏻