食鮮

Open Now

Now Closed

東大街覓食，真係唔可以走漏眼嫁!呢間食鮮係係雞蛋仔向左既個條行直行，呢日好似發現左新大陸咁!😂😂見到多街坊食唔係得遊客就知應該唔錯!見到餐牌做緊$298 2人套餐就去試下~!2人餐有6樣基本野:秘製蒜蓉燒皇牌西非八頭大虎蝦、扇貝皇、牛仔骨、燒鯖魚、燒生蠔、雞軟骨、脆肉瓜! 全部都係燒汁燒或者蒜蓉燒~本身其實係虎蝦兩隻or扇貝兩隻，但老闆好好俾我地每樣叫一隻，試晒兩款海鮮!呢隻大虎蝦不得了，賣相已經好好，好大隻，撥開d蒜已經見到好多肉!食起的確啖啖肉~非常鮮味，蝦味超濃!扇貝皇都好大隻，多汁! 但自己覺得虎蝦更好味!我平時好驚食生蠔，但呢間食熟蠔就唔怕唔乾淨，一定安全!而且佢燒得好好，唔會過熟縮晒水!又係大大隻既美國生蠔!牛仔骨又係超好味呀！因為係rib位，所以冇咩肥膏同筋，成塊肉質都軟，好香濃既牛味!條魚唔多骨!又係啖啖肉，塊魚皮燒得勁脆!真係所有食材都同店名一樣!非常新鮮!雞軟骨同脆肉瓜可以話係燒物必食~舊瓜好爽口入味!雞軟骨都好有嚼頭!食到一半，見到食物咁正就想叫碗飯送下，所以最後就叫多左個雞扒腸飯配麻辣土匪雞翼($68)!如果你鍾意食辣，一定要黎試土匪雞翼，超惹味既燒烤味而且真係