媽咪雞蛋仔 (Closed)

觀塘終於都開咗我最鍾意食嘅雞蛋仔，即刻嚟試吓。唔係太多人買只係排咗一陣就買到，次次都係食香蕉朱古力味，今次就買咗我都未試過嘅鹽燒紫菜粟米味雞蛋仔，等左十幾分鐘先有得拎，即叫即整。熱辣辣到手，紫菜同雞蛋仔外皮都脆卜卜，每粒入邊都有幾粒粟米，都非常飽肚下，細食嘅女仔食呢個都可以當晚餐。不過我就覺得鹽燒味唔算好重，有啲偏淡，如果可以在濃味啲就好啦。一個雞蛋仔要30蚊都有少少貴架，不過觀塘呢一間又唔使排隊，又近屋企，口痕時真係好難忍。