鼎家喜筷 (Closed)

呢兩日又凍咗，想搵返啲熱辣辣嘅嘢食，朋友推薦我最食「鼎家喜筷」雞煲！鼎爺間「鼎家喜筷」開在海之戀商場3樓，交通方便，好岩約朋友。見到佢依家有個「無限幸福雞煲90分鐘」推廣好抵食！90分鐘內可「無限添加」秘製雞件！🤩佢個辣度都可根據自己口味選擇，但最少辣度系BB辣。仲可以免費加湯底打邊爐，套餐配送新鮮蔬菜1份，可以額外加火鍋配料，價錢實惠！雞煲材料有雞件、洋蔥、芫茜、辣椒，大大煲雞肉香味勁吸引！我地揀咗BB辣，溫和的微辣感帶著少少花辣麻，十分開胃！上枱後唔好開蓋再焗多幾分鐘，滾起後就食得。估唔到成煲雞有咁多雞髀雞翼，啖啖肉又嫩滑多汁，超級抵贊！食晒雞肉之後加湯就可以打邊爐啦，我哋叫咗響鈴、蓮藕片、雜錦丸各2粒（牛丸、魚蛋、香菇貢丸、墨魚丸）好鐘意蓮藕片切得夠薄，加入雞煲煮好煮，爽脆又入味。套餐可以每位28蚊無限任飲菊花薏米茶，洛神花茶。呢個菊花同薏米嘅組合好特別，清熱解毒又祛濕排毒，味道清清地又爽口，非常推薦！