南北店

Open Now

Now Closed

有人話，南北店易左手之後，味道大不如前！事實係，同屋企人作為南北店20多年來的忠實食客，每次嚟幫襯，味道感覺依然。多年來，雖然物價通脹騰飛，但正正因為南北店就算加價，都係十分大件夾抵食。舉例來說，呢日我過嚟食快餐午餐A，洋蔥豬扒飯，大大碟，價錢都係$42，真係抵食之選。而佢啲豬扒大大件，有成兩塊，洋蔥汁又十分惹味，每次食完，我都覺得非常滿足，嚟到南北店，首推佢嘅豬扒飯，轉豉油汁亦可。食咗南北店咁耐，最令我讚揚嘅係，無論佢冷熱飲品，完全唔需要加兩蚊、三蚊，真係抗通脹首選～！所以每次嚟，我必定都會叫佢杯凍檸茶，茶底味濃，檸檬新鮮，配合上淡淡嘅糖水，味道恰到好處。