椰林閣餐廳 (Closed)

剛剛响將中樓下個椰林閣同老婆tea諗住老婆生日叫侍應幫我哋影張合照啫！點知d侍應互相推塘，有個呀姐算好話手震都幫我哋影啦，但cut左頭。然後我叫個金髮後生侍應幫我影，佢黑哂口面快影完就發悔氣遞番手機比我，其實我都未準備好。。。我同個高哥哥侍應話乜你d職員態度咁差㗎，我生日想影張相啫！佢竟然同我講"其實宜家兩點幾啦，我都攰啦！你唔見我都無表情!" 然後佢企响我三點鐘方向話影啦。。玩野呀！影合照唔係影正面影㗎咩。我講左幾次佢先好悔氣企我前面！大佬我無得罪你哋下話，點解d侍應態度仲差過茶記同快餐店？！做得服務性行業係咁㗎啦，你哋無糧出咩？我來用膳仲要受你哋氣，影幅相都唔洗廿秒吧！睇唔到佢哋平日下午茶時間有幾忙囉！打投訴熱線無人聽，留電話唔覆！我以後唔會再幫襯喇！一肚氣！！😡😡😡😡😡