Video
Read full review
2022-10-04
377 views
位於旺角嘅家樂坊有一間休閒打卡泰國餐廳，佢哋佔地面積非常大，有室內同室外座位，呢一間都係寵物友善餐廳，佢哋嘅裝修，枱櫈都係以休閑風設計，俾人有一種好似去咗泰國旅行嘅感覺，見人去就見得多，今日自己就嚟試吓呢間餐廳先😆😆我哋嗌咗幾款唔同嘅嘢食，包括有，🦀蟹肉酥盒$88 :總共有四小件，底層係酥皮撻，中層蟹肉而面層係原粒帶子，呢款小食屬於凍盤類別，賣相精緻，酥皮鬆化，蟹肉都唔少，至於帶子方面佢都比較爽口，整體嘅口感唔錯👍🏻🍖沙嗲串燒拼盤$108 :串燒拼盤都係有牛，豬同雞，味道同出邊嘅唔係太大分別，都係配沙嗲汁，但佢另外配多咗份飯焦，可以拼埋一齊食😆🦐蛋包金邊粉伴扒大虎蝦$148 :至於大蝦伴金邊粉佢嘅虎蝦只係得半隻，有啲寒酸，而金邊粉嘅份量都比較少，唔係好夠鑊氣，味道亦都有啲淡，但佢嘅網形包蛋整得唔錯，一整塊薄薄一層嘅格仔蛋，細緻上值得一讚😌🍹青檸梳打$50 :另外飲品方面佢哋嘅選擇都算多，但賣相就一般，呢杯青檸梳打要$50 ，但睇落去同出邊茶記冇咩分別，味道都係糖精較為多，冇咩特別可言😩🥥斑蘭蝶豆花椰絲湯圓$78 :而最後我哋嗌咗個甜品湯圓，本身覺得佢有啲特別，係蝶豆花同斑蘭而製嘅湯圓，
我哋嗌咗幾款唔同嘅嘢食，包括有，
🦀蟹肉酥盒$88 :總共有四小件，底層係酥皮撻，中層蟹肉而面層係原粒帶子，呢款小食屬於凍盤類別，賣相精緻，酥皮鬆化，蟹肉都唔少，至於帶子方面佢都比較爽口，整體嘅口感唔錯👍🏻
🍖沙嗲串燒拼盤$108 :串燒拼盤都係有牛，豬同雞，味道同出邊嘅唔係太大分別，都係配沙嗲汁，但佢另外配多咗份飯焦，可以拼埋一齊食😆
🦐蛋包金邊粉伴扒大虎蝦$148 :至於大蝦伴金邊粉佢嘅虎蝦只係得半隻，有啲寒酸，而金邊粉嘅份量都比較少，唔係好夠鑊氣，味道亦都有啲淡，但佢嘅網形包蛋整得唔錯，一整塊薄薄一層嘅格仔蛋，細緻上值得一讚😌
🍹青檸梳打$50 :另外飲品方面佢哋嘅選擇都算多，但賣相就一般，呢杯青檸梳打要$50 ，但睇落去同出邊茶記冇咩分別，味道都係糖精較為多，冇咩特別可言😩
🥥斑蘭蝶豆花椰絲湯圓$78 :而最後我哋嗌咗個甜品湯圓，本身覺得佢有啲特別，係蝶豆花同斑蘭而製嘅湯圓，但食落有啲失望，佢只係外層嘅味道有少少唔同，裏面嘅餡料都係椰絲，食落有啲硬，味道有啲怪，有啲似變咗嘅味，可能未必會係變咗，只係佢將幾種味道加埋有啲奇怪，整體一般😓
Post
