心飴 (Closed)

到隧道口搭車前想食d甜野先返去，呢到又未試過，剛好。睇云個餐牌，都唔知要咩好，有個特別既好似叫心太硬，問店員係咩，原來係金莎加咖啡雪糕，興趣不大。最後都係要左個心太軟，原先都想要個腐竹糖水，不過見隔離枱個賣相麻麻地，轉左要個蜂蜜菊花茶。蜂蜜菊花茶，幾甜下，唔係蜜糖既甜，睇黎要跟涼茶鋪學下野。心太軟，等左差唔多十分鐘，一筆落去d朱古力都流得幾棚拜下，是不錯的，朱古力味濃郁唔係苦果隻，面頭就硬左d，有點焗過龍，整體普通。d野幾大路下，當然糖水鋪黎黎去去都係果d野，不過有一兩款撚手都值得d客返轉頭幫襯，好似一品齋個腐竹糖水，簡直經典。如果心太軟係呢到既自信作，我無言。