糖佰府 (Closed)

去九龍城食完飯，食得飽飽地，仲有空間可以騰出，食甜品。行過，錯過，都不能錯過的糖品鋪，糖佰府，每次去食，我地入去時，只有一兩檯客，當我地坐下，不久，就客似雲來，整間滿座，要等位，沒辦法啦，兩旁的牆壁上都貼滿明星及簽名，難怪，咁多人來幫襯啦！咁啱，我咳了很久，都未好返，見到有無花果雪梨純海底椰，啱我。雪梨湯汁清潤補肺，清甜又止咳，雪梨純得稔甜。雙丸椰皇紫米，老闆娘奉上一個最大的椰皇，夠厚椰肉，紫米夠稔糯，糖水夠香滑，陣陣椰香好味、湯丸大粒，有嚼口，花生糖心，香甜。還有就係在糖佰府這間店會備有小碗和叉匙給客人自由取用，非常細心呢！方便晒我哋這些樣樣都要試，鍾意食多幾款嘅客人！