滿記甜品 (Closed)

食完晚飯，行左陣街，覺得口淡淡，就和朋友去食個甜品先返屋企，搵左間最近既滿記甜品試一試。白雪仙草芋圓陣陣椰香既白雪，係用椰汁做出來，加埋幾種顏色既芋圓、紅豆、仙草等等，就成為呢個甜品，食起上黎，芋圓都算Q彈，但食唔太出唔同顏色係咩做出黎，椰汁底都香，成個甜品既甜度係可以既，咁既價錢算係咁。芒果奶凍樂芒果可能因為唔係當造，所以唔太甜，奶凍既牛奶味都可以，算滑口，但可以再杰返少少，口感會再好一些，混埋芒果一齊食都okay都幾夾。