浦和日本料理 (Closed)

今日去同舊同事食飯，之前傾左好耐話食放題，去左留學成年都冇機會食放題，今次終於有機會食啦！本來諗左去荃灣同旺角，不過諗諗下旺角又多人，又成日都去，食到悶悶地就諗住去試下出左名多野食既荃灣，佢地話食過呢間浦和，幾唔錯，就去左試下，反正荃灣又唔遠，上開飯睇到啲相都幾好，一於去試下!一坐低望下本單書，款式都算幾齊全，基本既刺身、壽司、天婦羅等等都有，竟然仲有得飲沖既凍檸茶! 其實呢間同其他放題菜單大同小異，但勝在用料夠新鮮，魚生等等都比出面好多日本餐廳好食，入口唔會有雪味同腥味nice! 而壽司方面就冇咩特別，不過不失，天婦羅同手卷都係大大舊，正!另外每一枱坐低會送返人頭計既限定灸燒三文魚壽司同炸蝦卷，又係充滿鹹香味既灸燒系列!至愛!其他小食如燒一口牛柳粒同蟹籽沙律都唔錯，推介雞軟骨同牛串，燒得香口唔油膩，必食!而環境就真係一流，荃灣大多數食肆晚市都會好爆，呢間要早啲黎，如果7點前走$138，之後走就$198，有加一，我地6點半入去，食到9點，埋單每人$217，出面一般都係兩個鐘，坐係呢度同friend吹下水食下野就啱哂!店員都好好服務，野食又唔會等太耐，讚一個!