咖啡弄 (Closed)

星期日的下午，因為等朋友又唔知去邊度hea，就去咖啡弄坐下飲杯飲品。竟然唔洗等位，太驚喜。仲記得頭幾次黎咖啡弄，都要等起碼1個小時。由於唔肚餓，所以只係叫左一杯玫瑰歐蕾。呢度既最低消費係每人一杯飲品，即係三個朋友黎到，total order4個主食都唔得，一定要每人一杯飲品。我覺得呢個policy就真係麻麻地，本人覺得咖啡弄既食品，不論甜品定三文治，都整得ok好食同唔算超級貴，但呢度既飲品定價就太高。呢杯玫瑰歐蕾定價$48，加埋一就五十幾。但係味道就好一般。首先，佢既玫瑰味好淡，而且唔想。雖然飲得出有小小玫瑰味，但係佢既味道稍微人工，不過入口都唔會太怪。上面用來裝飾既玫瑰是多餘的，首先，佢係無任何味道！第二，當你飲野既時候，你係會飲埋呢d乾玫瑰，但係佢成躲係好乾，係好怪，你要立刻吐出來。建議餐廳可改為用玫瑰花瓣而不是成朵乾玫瑰，既可改善飲既感覺，又可以裝飾飲品。