Video
Read full review
2023-05-22
1137 views
📌 德克士 - 北角英皇道377號地下🗓(20/5) 星期六 ⏰ 下午3點左右 💈特式：下午茶時間，想搵d唔太飽嘅野醫醫肚，炸雞就係最好選擇，經過見到呢間德克士，係國內係香港新開嘅過江龍，暫時只有北角一間店。🥩🍔🌭🌮🥗🥯🥘🍲🍝🍣🥟🍤🍱食物：佢食物種類同香港都幾唔同，早餐就有油炸鬼/豆漿，午晚市除左炸雞/漢堡/雞卷，仲有飯餐，而家等我同大家講下🍗味道先。麻辣啃骨雞 $16 - 呢個即係半骨雞中翼，有4隻，辣味都ok，炸亦炸得幾脆，不過一大缺點就係唔夠熱，炸雞唔夠熱都真係幾唔掂。孜然雞柳 $15.5/7根 - 出嚟感覺似薯條多過雞柳，有孜然味，但唔重，最重要都係唔夠熱已經係唔掂，而家上枱時只有6條，餐牌及單據都寫有7根，不過發現時已經食左幾條，所以無拎張相同佢地對質。魔法雞塊 $19/6塊 - 雞塊好細件，叫雞粒就差唔多，味道正常，但唔濃味，同樣都係唔熱，失敗。☕️🍵🥤🧋🍺🍷🥃🍹🧉🍾🍶🥛飲品 : 佢地d飲品反而做得唔錯，叫左杯M size美式冰咖啡同一杯綠翡翠青檸特飲。冰美式咖啡 M size $19 - 佢聲稱係提供即磨咖啡，亦見到佢地真係用即磨機沖製，味道都合格，有M
🗓(20/5) 星期六 ⏰ 下午3點左右
💈特式：下午茶時間，想搵d唔太飽嘅野醫醫肚，炸雞就係最好選擇，經過見到呢間德克士，係國內係香港新開嘅過江龍，暫時只有北角一間店。
🥩🍔🌭🌮🥗🥯🥘🍲🍝🍣🥟🍤🍱
食物：佢食物種類同香港都幾唔同，早餐就有油炸鬼/豆漿，午晚市除左炸雞/漢堡/雞卷，仲有飯餐，而家等我同大家講下🍗味道先。
麻辣啃骨雞 $16 - 呢個即係半骨雞中翼，有4隻，辣味都ok，炸亦炸得幾脆，不過一大缺點就係唔夠熱，炸雞唔夠熱都真係幾唔掂。
孜然雞柳 $15.5/7根 - 出嚟感覺似薯條多過雞柳，有孜然味，但唔重，最重要都係唔夠熱已經係唔掂，而家上枱時只有6條，餐牌及單據都寫有7根，不過發現時已經食左幾條，所以無拎張相同佢地對質。
魔法雞塊 $19/6塊 - 雞塊好細件，叫雞粒就差唔多，味道正常，但唔濃味，同樣都係唔熱，失敗。
☕️🍵🥤🧋🍺🍷🥃🍹🧉🍾🍶🥛
飲品 : 佢地d飲品反而做得唔錯，叫左杯M size美式冰咖啡同一杯綠翡翠青檸特飲。
冰美式咖啡 M size $19 - 佢聲稱係提供即磨咖啡，亦見到佢地真係用即磨機沖製，味道都合格，有McCafe質素，不過$19杯只係M size就有點偏貴。
綠翡翠青檸特飲 $15 - 呢杯特飲平過杯M size咖啡，仲要再大杯d，加埋當日天氣好熱，呢杯特飲飲落透心涼咁，幾唔錯。
🍽環境：餐廳就係快餐店咁嘅裝修，顏色就有少少似Subway，擺位就類似M記同KFC，仲餐廳面積好細間，我估大約只容納到25~30人左右，如果用M記嚟比，應該係香港最細嘅M記咁上下。
🤵🏻🤵🏻♀️🤵🏻♂️服務：都係快餐店水平，自助點餐，睇number取餐，店員亦會自動問客人需唔需要手套。
💰💸價錢：叫左3個散叫小食，2杯飲品，埋單就$84.5，唔算話好貴，但可能加少少錢已經可以係Jollibee叫到成桶6件雞了。
🐲💬總結：我覺得如果未試過嘅朋友，又食到香港d炸雞厭晒，係可以試下，因為佢有個招牌食物叫手槍雞脾賣$33隻，我見到都真係相當大隻，而且枱枱都有叫，我估佢應該會出色d。
推薦指數：❤️❤️❤️🤍🤍
80 views
0 likes
0 comments
Post
