伙食工業 (Closed)

星期六，郊遊後去到火炭，想搵黃店食晚餐，先至發現呢度係另一個黃店沙漠，只有伙食工業一個選擇😂。入到去，發現裝修同擺設非常特別，仲熟口熟面，應該有唔少電視同電影喺呢度取景。餐廳嘅一邊有個舞台仔放咗樂器，應該係玩 live music 用嘅，我幫襯嗰日冇表演，個台就自然成為食客打卡嘅好地方。叫咗碗紅燒半筋半牛肉麵，牛煮得幾入味但係偏韌，略嫌唔夠腍，湯底味濃偏油，仲有大量雪菜，對於我嚟講係比較鹹，平時食牛肉麵我多數會連湯都飲埋，不過今次我要投降啦😂。食食下，忽然見到牆上面有幅事頭婆嘅玉照，好滾動，差啲痛哭流涕😭。總括嚟講，如果三五知己想 chill 想飲杯嘢傾下偈，呢度應該係好好嘅選擇。