茶墨 (Closed)

同丫女食完dinner, 經過見到呢間茶飲店, 主打水墨畫般賣相嘅沖調飲品, 同埋糕點、gelato。而旁邊有幾個座位同企位比食客慢慢享用。我地同樣揀咗水墨風系列嘅飲品。加/走cream、甜度、冰量由自己選擇。另外再order咗其中一款口味嘅gelato試試。麻糬芝麻烏龍鮮奶茶:呢款為人氣款式, 賣相確實有如中國水墨畫嘅筆劃, 滿有藝術氣息。杯邊嘅為濃郁嘅黑芝麻醬, 配搭茶味較淡嘅烏龍同埋香滑鮮奶, 撈至平均, 黑芝麻味同樣突出。仲有軟糯微甜, 有米香細細粒嘅麻糬, 係一杯可以飲嘅甜品。麻糬芋泥茉莉鮮奶綠rder咗少冰、少甜、走cream, 不過當中加入了大大舊芋泥, 令整杯甜度即時變得均勻, 唔會過甜過膩, 芋泥味亦好香, 甜甜地。另外綠茶味好突出, 飲落有陣陣茉莉花香味。同樣有麻糬, 加埋芋泥, 令口感double up!Gelato:揀咗豆腐味, 豆腐味極為濃郁, 質感實在, 入口慢慢溶化, 黏口。