Little Break Coffee & Kitchen (Closed)

平時好少去荔枝角，見到openrice呢間嘅好評都唔少，就決定同朋友一齊Tea一tea聚一聚。由於大家都唔肚餓，就決定叫兩份比較輕盈嘅下午茶：滑蛋海膽多士雖然預咗下午茶份量唔大，但見到實物都覺得多一塊都食到，滑蛋嫩滑，味道正常，海膽份量唔多，撈埋蛋食冇乜味，反而分開來食仲食到海膽味。牛油果雪糕窩夫兩塊小窩夫放喺石鍋入面，但石鍋只係一個裝住佢哋嘅容器，窩夫唔係熱辣辣，配襯牛油果同雲呢拿雪糕幾好食，牛油果份量都有四大塊，反而蜜糖份量唔多，倒落窩夫食啱啱好。凍焦糖咖啡比起食物，更加欣賞佢嘅飲品，凍焦糖咖啡咖啡味重而不澀，有焦糖同牛奶中和啱啱好，有咖啡味得來又有淡淡的焦糖味，用玻璃樽裝住，混入冰塊更加透心涼。友人飲咗綠茶鮮奶，外表係好濃嘅綠色，佢嘅評價都係好重茶味好好飲。以Cafe來講飲品質素幾好，但食物份量就比較細，比較適合兩三個女仔食。