Video
Read full review
2018-09-10
92 views
Element ，係其中一個我好喜歡既商場。貪呢度人流唔多，而且D商店都幾岩我行，假日過黎睇戲基本已經成為一種Routine，而平台既酒吧餐廳亦都係我喜愛既一環。呢度既酒吧餐廳基本上星期一到星期七都座無虛席，特別係放工時候，你可以見到好多西裝骨骨既金融界人仕過黎吹水，飲酒，只要你係「行家」，每次落黎都總會撞到幾個同事，或者係舊同事，感覺就係Lan Kwai Fong 以外既一個Party 集中地。如果唔想只係Chit Chat ，而係想坐低食埋個晚飯既，呢度亦都做到俾你，今次我就揀佐間喺角落頭既西式餐廳 McSorley’s。行到過黎可以見到餐廳企滿人群，鐘意熱鬧又想Social 一下既，當然會選擇樓下既企/座位，但係今日放工都有D累，想搵個靜少少既位置傾計，所以餐廳既店員就帶佐我地上「樓上雅座」，一個專屬於晚飯既樓層，呢個餐廳佈局實在夠哂貼心。搵個靚位，朋友又未到，所以我自己就只點佐一杯1664，飲杯野咁等，時值Happy Hour ，大部份飲品都有特價。1664 Blanc $60 (Happy Hour Price)朋友今日都唔算遲，大約等佐10分鐘佢就已經來到了，佢就勇於挑戰，
貪呢度人流唔多，而且D商店都幾岩我行，假日過黎睇戲基本已經成為一種Routine，而平台既酒吧餐廳亦都係我喜愛既一環。
呢度既酒吧餐廳基本上星期一到星期七都座無虛席，特別係放工時候，你可以見到好多西裝骨骨既金融界人仕過黎吹水，飲酒，只要你係「行家」，每次落黎都總會撞到幾個同事，或者係舊同事，感覺就係Lan Kwai Fong 以外既一個Party 集中地。
如果唔想只係Chit Chat ，而係想坐低食埋個晚飯既，呢度亦都做到俾你，今次我就揀佐間喺角落頭既西式餐廳 McSorley’s。
行到過黎可以見到餐廳企滿人群，鐘意熱鬧又想Social 一下既，當然會選擇樓下既企/座位，但係今日放工都有D累，想搵個靜少少既位置傾計，所以餐廳既店員就帶佐我地上「樓上雅座」，一個專屬於晚飯既樓層，呢個餐廳佈局實在夠哂貼心。
搵個靚位，朋友又未到，所以我自己就只點佐一杯1664，飲杯野咁等，時值Happy Hour ，大部份飲品都有特價。
1664 Blanc $60 (Happy Hour Price)
朋友今日都唔算遲，大約等佐10分鐘佢就已經來到了，
佢就勇於挑戰，鐘意試新野，所以就揀佐枝手工啤。
Punk IPA $78
呢杯手工啤，睇個簡介真係好吸引既，有Tropical Fuit, Grapefruit, Pinapple, 同埋Lycee味，非常夏日，唔講仲以為order緊一杯 Smoothie ，但係當然，其實手工啤既主調都一定係啤酒，閒落去的確有好濃既果香，但飲落去主要都係飲到啤酒既苦澀，的確係幾特別既，但係個人都係鐘意飲Draught Beer，因為大杯D，抵飲D，同埋有 Happy Hour 價ma ，呵呵。
一路飲住啤酒，就一路開始睇下餐牌，揀下有咩食。
食物種類都幾多，沙律類，湯類，意粉類，肉類，等等都可以在餐牌找到，而且餐廳做緊新開張優惠，星期一到星期五都有唔同既優惠，實在非常吸引。
Chic & Avocado Salad $168
一如以往，我都鐘意先點一個沙律去清一清自己既味蕾，不竟蔬菜類吃多無妨，今次就揀佐superfood牛油果既沙律。
份量都真係幾大碟，配上油醋汁，真係好開胃。
Guinness Sausage $188
第一個main 係肉腸，佢會配上薯蓉同埋洋蔥燒汁。
肉腸既顏色係比較黑，但係唔好誤會，佢唔係煮燶佐，而係本身佢既顏色就係咁樣，食落佢既肉質係比較挺身既，而且Juicy 感都好足，配埋勁濃燒汁既薯蓉，都真係令人幾飽下，我地都食唔哂，呢個係比較意外既，因為我地都唔細食。
Fish & Chips $240
自己喺英國住過，對Fish and Chips 係有一定既要求既，而喺香港要搵一間整得好食既Fish and Chips 餐廳，實在唔容易。
大部份既餐廳既敗北之處都離不開炸漿太厚，太油，魚有雪味，等等。
而呢度既Fish and Chips ，就真係做到英式既口味啦。
Fish 既炸皮做到脹卜卜，但係咬落其實個脆皮係好薄既，魚厚身而肉夠挺，唔會有油膩感，亦都唔會令戈感覺好熱氣。
薯條係肥身既厚著條，咬落係真係咬到蕃薯有薯味既，唔係那些得油炸漿，咬得充滿空氣感既「薯條」所能比擬。
缺點可能就係茄汁既container太細，我要refill 3次先食完哂所有薯條，又或者，係我太鐘意食茄汁？哈哈。
Mac N Cheese $62
呢個焗芝士通心粉，係一個side dish，而唔係一個main ，所以份量都係偏細既。
芝士加上通粉加上用焗去煮，呢個combination 我會用無得輸黎形容，但係今日輸佐既地方會唔會因為個portion？
最後佢又無輸到喎！點解？因為佢既芝士真係好濃，好有拉絲感，用另一個形容詞，可能係「漏」，所以用黎做side dish，原來又唔錯喎，正所謂少食多滋味，岩岩好！
平時放工都朋友/同事都會搵個地方飲下野，吹2句水，但係食物既一環都係大家所困惑既。
要搵一間又有酒飲，野食又唔錯既餐廳，其實唔容易，今次試佐McSorley’s，以後朋友叫我recommend既時候，又多個選擇啦。
Post
