百味堂 (Closed)

行街行到攰緊係搵地方坐下，百味堂係正k11電梯隔離，夠方便！雖然個個都係拎住佢杯雪糕，但呢排減肥，唔想食雪糕，就試下佢啲野飲啦！特濃鮮奶咖啡估唔到啲咖啡都咁好飲呀！未飲落去已經好香堅果味！一飲，入口好滑，一啲粗糙感都冇！讚！口感又好濃厚！啲奶好厚身好香同咖啡既比例岩岩好！唔會覺得比咖啡蓋晒啲奶味！但又突出到咖啡同堅果既香味！超正！而且都唔細杯呀！會訓唔著既人唔好咁晏飲 下次再黎試下佢既雪糕先！啲奶咁正，雪糕都一定好掂啦？