Video
Read full review
2010-08-03
49 views
食完咁冰凍嘅雪糕後, 就向住小師妹屋企出發! 不經不覺就喺小師妹屋企過左兩粒鐘, 望下時間已經九點幾, 師傅就已經肚餓到不得了, 於是向小師妹告別後, 就同師妹去食晚飯; 西環到底有咩好食? 有咩選擇呢? 坦白講師傅想離開呢區先食晚飯, 但礙於真係好肚餓, 加上見到呢間茶餐廳, 由外面望入去都叫幾乾淨, 於是就決定入去醫肚!坐底後就睇下有咩想食先, 餐牌選擇並唔算多, 師傅好唔容易先揀到食咩, 就係黑椒雜扒飯, 又係呢味? 冇錯就係呢味, 而師妹就揀左西炒飯, 餐飲就係兩杯凍檸茶! 明明話有餐湯送, 細問之下係送晒, 師傅當下覺得有少少搵笨添, 九點幾就送晒? 再諗深一層西環區冇計啦!唔使等好耐就有得食, 黑椒雜扒飯賣相一般, 一味夠黑, 而西炒飯嘅賣相反而討好; 師傅先講下黑椒雜扒飯, 黑椒汁比較杰, 唔香唔辣唔惹味, 用黎撈飯都唔會開胃; 而雜扒有煙肉, 腸仔, 豬扒同雞扒, 煙肉好肥, 因為煙肉冇咩點煎過, 師傅懷疑真係冇煎過, 所以入口較十分油膩, 唔得; 腸仔反而有煎, 入口香同爽, 味道唔咸, 幾好味喎; 至於豬扒較瘦, 肉身未算好韌, 一般啦; 而雞扒可以話係全碟最差,
坐底後就睇下有咩想食先, 餐牌選擇並唔算多, 師傅好唔容易先揀到食咩, 就係黑椒雜扒飯, 又係呢味? 冇錯就係呢味, 而師妹就揀左西炒飯, 餐飲就係兩杯凍檸茶! 明明話有餐湯送, 細問之下係送晒, 師傅當下覺得有少少搵笨添, 九點幾就送晒? 再諗深一層西環區冇計啦!
唔使等好耐就有得食, 黑椒雜扒飯賣相一般, 一味夠黑, 而西炒飯嘅賣相反而討好; 師傅先講下黑椒雜扒飯, 黑椒汁比較杰, 唔香唔辣唔惹味, 用黎撈飯都唔會開胃; 而雜扒有煙肉, 腸仔, 豬扒同雞扒, 煙肉好肥, 因為煙肉冇咩點煎過, 師傅懷疑真係冇煎過, 所以入口較十分油膩, 唔得; 腸仔反而有煎, 入口香同爽, 味道唔咸, 幾好味喎; 至於豬扒較瘦, 肉身未算好韌, 一般啦; 而雞扒可以話係全碟最差, 當初師傅見到雞扒都十分興奮, 皆因通常都係牛扒嘛, 點知雞扒又乾又鞋, 仲要帶少少韌, 呢d雞扒可以講得係師傅食過以來最差的; 雜扒飯最好味係條腸仔, 早知食腸蛋飯好過啦! 至於西炒飯都炒得幾乾身, 份量都幾大碟, 整體而言比黑椒雜扒飯好好多! 凍檸茶就茶味唔夠, 檸檬唔鮮, 一杯好普通嘅凍檸茶!
總括黎講食物質素一般, 環境都清潔乾淨, 服務普通, 價錢一般啦, 埋單孖七, 抵食程度一般, 不過師傅覺得可能喺呢區已經算好喇! 雖然唔好味, 但師傅一樣食到好飽, 鬼咩, 又肚餓又唔想浪費, 咪唯有照食啦, 亦印証一樣野係 “飽不等如好味”! 笑臉一定比唔到喇, 再黎機會亦真係唔大!
Post
