Youni (The ONE) (Closed)

最近見有人食過呢間餐廳評價幾好所以就試下，餐廳係一個健身中心裏邊入到去你會見到一個開放式嘅廚房亦都係一個自助形式點餐去攞餐最後自己還返餐具嘅地方。咁當日就叫左一個自選嘅能量碗套餐，咁我就揀咗雞胸肉配3個拌菜:黑木耳，南瓜泥仲有西蘭花。主食方便就揀咗雜穀飯。另一個餐我哋就叫左創意慢煮叉燒飯其實睇相都見到呢一個午餐較為清淡，食完會俾人一種好清新嘅感覺唔會食到有味精or重口味。要讚下啲肉做得相當唔錯，唔鞋，有咬口，分量都好夠，特別係個叉燒，一啲都唔肥，個sauce分開上係好嘅，自己想點幾多就點幾多而拌菜都做得唔錯，木耳酸酸甜甜好開胃，個蛋煮得岩岩好，好滑。食完一碗真係好飽肚，仲飽好耐haha呢到絕對係一個健康之選嘅餐廳。