土耳其小城 (萬昌樓) (Closed)

約左今日同朋友行開元朗，所以之前就穩定附近有咩餐廳。上網見到呢間餐廳幾特別係土耳其風味，又幾多好評，所以就試下啦。一坐低就見到餐牌充滿土耳其嘅味道，封面有座城堡喺度。咁我哋就嗌咗三樣嘢，兩個主菜一個小食。🍛咖喱克勒雞肉炒飯橙橙黃黃非常吸引，香味十足。飯粒粒分明充滿咖哩香味；雞肉亦都非常入味而且唔會嚡，啖啖肉好滑。辣度方面就稍為辣咗啲，食唔到辣嘅人就未必食到啦。🐐木炭烤羊件同樣充滿燒烤嘅香味。佢係免治羊肉啖啖肉，食落充滿淡淡嘅木香，羊肉上面有芫荽籽，酸酸甜甜咁，再加埋檸檬汁就更易入口。整體都燒得入味又唔太鹹。🌮蒜油烤餅 呢個真係超香嘅蒜味呀。個邊少少脆中間鬆軟，烤餅之中滿滿都係蒜味，而個餅都做得好香滑，有少少奶油味。☕薄荷茶呢個外觀上都幾靚黃黃綠綠咁，飲落一種清新嘅薄荷味可以消下滯。