華園餃子館

Open Now

Now Closed

今次去咗何文田附近嗰度開工，所以直接響嗰度附近搵嘢食，行過見到呢間餃子館，見到佢地方細細有幾有家庭式作業嘅感覺就走咗入去試吓。叫咗一個佢推介嘅京蔥羊肉水餃麵，我係要粗麵，水餃味道真係唔錯，麵同湯底方面不過不失，整體嚟講都可以嘅，價錢方面亦都唔貴。另外忍唔住見到個豆腐多士，就叫咗一份嚟食吓，等咗大約10分鐘左右就有啦，份量方面其實都幾足夠嘅，裏面夾咗啲甜醬咁上下嘅醬料響入邊，食落去嘅香味同感覺有啲似炸臭豆腐，不過就冇咗浸臭味，呢個其實覺得真係幾好食。