餃掂手工餃子雲吞專門店 (Closed)

身為餃子控嘅我， 知道呢一間餃子店喺網上面嘅評論非常之好， 所以專程同朋友嚟試下， 果然冇令我哋失望!有好多餃子嘅選擇， 令我哋有選擇困難， 最終就算咗兩款湯餃同一份煎餃。 湯頭就選擇左雲耳椰菜同韭菜， 個雲耳椰菜好清，又好爽甜，啖口野應該先食，另外韭菜豬肉係冇得輸嘅， 韭菜好香， 最緊要個湯都好好味， 完全唔係果啲味精hea湯。係咪叫咗個松茸煎餃， 呢個真係不得了， 好香好好味， 外面脆裏面仲有肉汁， 忍唔住，過左一個禮拜又再去食過。我哋加咗一個黃金皮蛋，比普通皮蛋香啲。現在最重點介紹呢度嘅醬料同小食。 呢度有無限嘅酸蘿蔔供應， 非常醒胃。 醬料都好多款， 我超級欣賞嗰個香辣醬， 有菜脯同豆豉喺裏邊， 非常惹味， 我忍唔住自己買咗一樽返屋企， 可以隨時回味。