圓方餃子粥麵

Open Now

Now Closed

我自己最中意食既係餃子、烏冬、生煎包之類。依間圓方好耐之前已經好多人介紹過，今日終於有機會黎試。我係平日夜晚7點倒黎，都已經排晒隊，不過好彩都唔使好耐就有位。之前睇片介紹過煎韭菜餃同西洋菜餃係必食，但因為我唔係咁中意食西洋菜所以就叫左上海雲吞。黎到先飲個湯，因為聽聞係魚湯都真係好好飲，好夠味，但唔會話太咸令到你覺得好口渴。韭菜餃就唔使講，大大隻煎得好脆！韭菜好香，雖然成17蚊得3隻，但都值既！中意食餃子既一定要黎試！