Video
Read full review
2015-10-07
803 views
不嬲講求食物質素嘅我，今晚唔煮，響openrice 上找來這家私房菜，雖然餐廳唔係響大街大巷，但從來覓得好食也是左搵右搵 上到去餐廳裝潢別緻，一入到去有魚缸有菜，挺有田園特色 ，餐廳企理干淨～ 每個房間隔有電視，行出露台也不錯，光猛又可供吸煙，大圍食飯都得，全部都有獨立空間，不怕被騷擾 前菜嘅川味手拍青瓜，必饌涼拌鮑魚菇，清新感覺，做前菜好合適～ 川味以為會好辣，但食落口唔太辣之餘，配合青瓜嘅清新，味道配搭特別！ 必饌涼拌鮑魚菇味道有少少酸甜，鮑魚菇爽口，開胃之選佢嘅流心蛋呢道菜認真要推介～ 在色方面，蛋黃金黃且流心，熟度剛剛好，並不過火，香有黑魚子醬同茶香滲透着配合蛋黃香，香而不覺膩，令不喜歡食蛋嘅我也愛上燉川貝陳皮海底椰鱷魚肉，湯好清甜，湯料好足，毫不吝嗇，滋潤且不俗～ 清甜湯水接住嘅都係清甜菜式，嬉水芙蓉，名就好好聽，一上菜，菜色同名一樣靚 上層係甘荀汁，下層係蛋白，從底勺都不會破壞佢美觀 ，煮食者好細心，味道清且滑，入口即溶，口感似啫喱，上面原粒大帶子，不失其清雅之餘，增添貴氣 生猛星斑二吃有黑松露醬炒星斑球，明梅醬炆頭腩黑松露炒星斑球出色之處係黑松露香而不
不嬲講求食物質素嘅我，今晚唔煮，響openrice 上找來這家私房菜，雖然餐廳唔係響大街大巷，但從來覓得好食也是左搵右搵
上到去餐廳裝潢別緻，一入到去有魚缸有菜，挺有田園特色 ，餐廳企理干淨～ 每個房間隔有電視，行出露台也不錯，光猛又可供吸煙，大圍食飯都得，全部都有獨立空間，不怕被騷擾
前菜嘅川味手拍青瓜，必饌涼拌鮑魚菇，清新感覺，做前菜好合適～ 川味以為會好辣，但食落口唔太辣之餘，配合青瓜嘅清新，味道配搭特別！ 必饌涼拌鮑魚菇味道有少少酸甜，鮑魚菇爽口，開胃之選
佢嘅流心蛋呢道菜認真要推介～ 在色方面，蛋黃金黃且流心，熟度剛剛好，並不過火，香有黑魚子醬同茶香滲透着配合蛋黃香，香而不覺膩，令不喜歡食蛋嘅我也愛上
燉川貝陳皮海底椰鱷魚肉，湯好清甜，湯料好足，毫不吝嗇，滋潤且不俗～ 清甜湯水接住嘅都係清甜菜式，嬉水芙蓉，名就好好聽，一上菜，菜色同名一樣靚
上層係甘荀汁，下層係蛋白，從底勺都不會破壞佢美觀 ，煮食者好細心，味道清且滑，入口即溶，口感似啫喱，上面原粒大帶子，不失其清雅之餘，增添貴氣
生猛星斑二吃有黑松露醬炒星斑球，明梅醬炆頭腩
黑松露炒星斑球出色之處係黑松露香而不奪斑球之味，油不多，魚肉炒得剛好，肉嫩爽口，魚肉厚身彈牙，清炒不失魚鮮味
明梅醬炆頭腩，魚身用黎炒，剩下嘅部份用黎炆，毫不浪費食材，亦發揮盡魚每一個部分，明梅醬味道酸酸甜甜，頭腩位經油炸到脆香，酸甜去除油膩之餘，令到餸菜更惹味
鮮魚湯溫室菜苗，一上枱菜式已經好吸眼，用新鮮囉唆魚淆製而成，鮮甜味重，有別於街外採用色調製成，菜苗爽口，吸收了魚湯精華，令菜苗鮮甜爽口，味道口感簡單但食到味鮮～ 由餸菜平凡中顯得不平凡
餐廳服務很好，每道菜都緊接上枱，不會相隔太耐～ 菜式不會過油，健康，就算炒炸油份都拿揑得好好，菜都採用有機，選料不馬虎
今次體驗好好, 下次會再黎
Post
