Video
Read full review
2010-09-21
86 views
師傅都有一段短時間冇同大粒墨食飯, 咁啱大家傾開計就決定搵晚出黎食飯, 而呢一晚就喺個幾星期前完成左! 細問大粒墨想食咩, 佢諗左一陣記得師傅話過想試金牌小龍, 於是就提議呢間, 及後師傅話比佢知口碑唔係太好, 應該可以唔試, 所以決定換個地點!於是大粒墨就話想食肉骨茶, 仲叫師傅搵地方, 但係師傅對肉骨茶一d都在行, 唯有上黎呢到摷下啦, 幸好搵到呢間食店, 於是比大粒墨睇下啦, 點知大粒墨話仲有另一間都好似得, 叫師傅再摷下, 當師傅搵到後再睇下個地址已經立即否決左, 鬼咩, 小西灣呀大佬? 師傅工作個環頭已經夠鬼, 小西灣咪鬼上加鬼, 咪攪!於是師傅早一日晚至電留枱, 由於要遷就大粒墨嘅關係, 所以師傅就訂左七點四十五分; 當晚大粒墨可以早左放工, 所以七點鬆d已經到左天后, 慢慢行到去食店都係七點十五分! 而當日食神亦因為飯局取消, 所以師傅亦叫埋食神齊齊食飯, 實行多個人多把口多個胃, 咁樣亦可以叫多d! 七點十五分到達食店, 店內唔算好大, 幸好有訂到枱, 如果唔係黎到就一定摸門釘, 皆因全店爆棚, 就咁行埋黎係一定冇枱, 師傅估唔到呢間食店咁厲害, 但更估唔到時間咁早都有
於是大粒墨就話想食肉骨茶, 仲叫師傅搵地方, 但係師傅對肉骨茶一d都在行, 唯有上黎呢到摷下啦, 幸好搵到呢間食店, 於是比大粒墨睇下啦, 點知大粒墨話仲有另一間都好似得, 叫師傅再摷下, 當師傅搵到後再睇下個地址已經立即否決左, 鬼咩, 小西灣呀大佬? 師傅工作個環頭已經夠鬼, 小西灣咪鬼上加鬼, 咪攪!
於是師傅早一日晚至電留枱, 由於要遷就大粒墨嘅關係, 所以師傅就訂左七點四十五分; 當晚大粒墨可以早左放工, 所以七點鬆d已經到左天后, 慢慢行到去食店都係七點十五分! 而當日食神亦因為飯局取消, 所以師傅亦叫埋食神齊齊食飯, 實行多個人多把口多個胃, 咁樣亦可以叫多d!
七點十五分到達食店, 店內唔算好大, 幸好有訂到枱, 如果唔係黎到就一定摸門釘, 皆因全店爆棚, 就咁行埋黎係一定冇枱, 師傅估唔到呢間食店咁厲害, 但更估唔到時間咁早都有少食客, 仲估唔到係師傅早到左亦不能入座, 理由係有些食客剛剛開始進餐, 亦有些食客就訂左枱未到, 所以師傅唯有坐於門口坐慢慢等候; 至於臨時加多左一個人竟係對呢間食店係一個難題, 原因係坐位有限所以未能臨時加位, 所以大家下次訂枱時記住報準人數! 喺等候期間師傅發現大粒墨十分活躍, 不時四圍影相, 師傅真係估唔到大粒墨都有動的一面, 好不活潑!
終於等到夠鐘可以入座, 三個人坐於一張二人枱, 雖然係逼少少, 但亦無損大家嘅心情! 於是商量左一陣就決定柯打咖哩羊肉, 肉骨茶(大), 魚餅同煎倉魚, 而飲品師傅就揀左凍薏米水, 而大粒墨就揀左薏米水, 至於食神應該係啤酒啦! 落完單之後唔使等好耐就有得食, 不過食之前先講下杯薏米水! 呢間食店食物唔使等好耐, 但相對飲品就等得較耐, 師傅記得有食家講過呢度嘅薏米水好得, 所以點都要試下, 講真薏米水應該係點, 咩味師傅一d印象都冇, 所以當飲下第一啖後唔覺有咩特別, 只覺得味道淡淡的, 一d都唔甜, 不過飲多幾啖就覺得好清新, 加強夠晒凍, 而薏米亦夠腍, 所以都算唔錯, 點都好過飲汽水!
第一道菜登場係咖哩羊肉, 咖哩羊肉配上油酥餅, 咖哩汁香香辣辣, 但不至於好辣, 但亦甚為惹味, 而油酥餅真的幾油, 不過唔厚身而入口亦甚鬆軟, 配上咖喱汁簡直係天衣無縫, 加強羊肉亦算酥香, 唯一失望係肉身未算鬆軟, 呢個位扣少少分; 主打當然係肉骨茶, 而是次亦係師傅第一次嘗試肉骨茶, 可幸有食神在旁, 令師傅不至於一個大鄉里; 肉骨茶一邊滾一邊吃, 十足十打邊爐咁, 湯底才料十足, 藥材味亦十分重, 不過入口就非常香甜, 而食神仲話肉骨茶最主要食個湯, 用湯黎撈飯, 即係肉骨茶湯飯啦! 雖然師傅冇試過撈飯, 但都想像得到有幾掂, 至於肉骨茶內嘅肉亦十分鬆身, 而且好入味, 忽然間令師傅覺得自己好補呀! 而魚餅一碟有六件, 魚餅煎得香加上唔腥, 最抵讚係魚餅肉冇碎骨, 雖未至於必食, 但亦值得表揚; 煎倉魚都幾大條, 而且煎到皮脆肉香, 都唔錯!
總括黎講食物質素不俗, 特別係肉骨茶真係十分吸引, 環境都舒服, 但略嫌冷氣唔夠, 一邊食一邊出汗, 唔好受, 服務態度十分殷勤同有熱誠, 價錢唔貴, 百幾蚊一位, 有咁嘅水準絕對收貨! 當晚師傅雖然唔係好舒服, 所以食得唔多, 但首嚐肉骨茶就已經回本, 加強大粒墨亦十分滿意, 更令師傅感到安慰; 笑臉係值得一比, 有機會師傅一定會再黎!
Post
