紅葉

Open Now

Now Closed

今日放假出完去葵芳後，返到元朗雞地呢邊買完嘢都已經成5點咁晏，但仲未食午餐，就諗住揾間附近茶餐廳歎個午餐+下午茶，原來雞地鳳群街好多餐廳都轉咗。決定試下幫襯紅葉，坐低睇咗一陣餐牌，都係想試下個沙嗲牛肉麵，我個人認為任何一間茶餐廳如果連個常餐沙嗲牛肉麵都整唔掂嘅，其他食品都唔好有太大的期望。沙嗲牛肉麵牛肉口感幾好，份量亦夠，而且沙嗲汁亦美味，可能肚餓關係，麵的份量好似太少。炒蛋的賣相夠吸引，食落亦夠嫩滑。多士及火腿如果份量可以多番啲就好，因睇落有啲孤寒的感覺。我一向飲品走甜，今日杯凍奶茶都幾夠味，算係合格。