肉餅哥小炒料理 (Closed)

之前見到肉餅哥既報導都已經好吸引，揀左個吉日就同同事係沙田踩單車去到大圍食左轉肉餅哥！左揀又揀，其實特別貴既鵝肝啊花膠肉餅都想試，但此終第一次試，就試個相宜啲架啦！我就試左黃金肉餅，即係咸蛋肉餅啦！而我就揀左煎既！飯有菜飯、油飯同白飯可以揀，我比較怕油，所以揀左白飯。係野食未黎之前，先有碗西洋菜湯，飲落無味精！唔錯唔錯！座位都夠闊落，係等野食黎既時候同同事們吹吹水都坐得舒服！肉餅到！可以見到肉餅好足料！好厚身，飯都好大碗！咸蛋黃好香，肉餅咬落直情係口入面feel到佢有幾厚身，食得出肉餅真係用心做，唔會實的的，亦唔會太多粉！煎得好好，只係比較多油！同事們都好滿意！下次再試其他！