8鍋臭臭鍋 (謝斐道) (Closed)

同朋友係銅鑼灣行完街，大家都好攰好肚餓，行經鵝頸橋附近見到呢間8鍋臭臭鍋，入面啲人一人一鍋咁食，十分吸引，就忍唔住入咗去食。餐牌上面除左有哂各款鍋既相片同埋材料，更有醬料調配既份量教學，十分貼心。我地叫左一個咖喱奶蓋鍋，一個酸辣羊肉鍋，另外再加左一份鹽酥雞。一個鍋要左粉絲，另一個加$12轉咗做滷肉飯。鹽酥雞都幾大份，啱啱炸完就上枱，熱辣辣，十分香脆。雞肉十分嫩滑，一咬落去啲肉汁流出，香味撲鼻。個鹽酥雞雖然香味濃郁，香料味十足，但都唔會感覺肥膩。至於個酸辣羊肉鍋，叫左小辣，辣度適中，有辣味之餘唔會嗆喉，適合唔食得辣嘅朋友。湯底開胃，吸收左羊肉嘅香味，味道一流。個鍋入面都有幾多片羊肉，仲有娃娃菜，酸菜，金菇之類。比較特別有米血糕，甜不辣同福州魚蛋。羊肉帶有騷味，金菇同菜吸收左湯汁，非常好食。甜不辣非常之有咬口，更吸收左湯嘅辣。福州魚蛋非常特別，係魚肉入面有豬肉餡，口感有層次。咖喱奶蓋鍋亦做得唔錯，湯底有好濃郁既咖喱味，但唔會太咸。豬肉片咬落有口感，亦都唔會太肥。魷魚圈爽口彈牙，點左醬汁更是惹味。黃金魚子球則最為特別，入面既魚子十分香濃，一咬落去啲魚子就爆哂出黎。加配既滷肉飯都做得幾好，滷肉