Video
Read full review
2016-07-26
865 views
要食正宗印度咖喱，唔一定要去重慶大廈既，港島區一樣有選擇。呢晚黎既Rang Mahal位於中環某幢大廈既二樓，地點隱秘，都有少少重慶feel。地方唔係好大，只有五六張枱，成間餐廳都充斥住印度咖喱味，好香，電視又播住印度MV，勁有feel。侍應送黎印度薄脆兩塊，免費既，有三種醬汁可供選擇：辣椒、薄荷、燒烤，各有特色；薄脆一如其名，好薄好脆，中間有少許香草同胡椒粒，帶微辣。Chicken Tikka 無骨燒雞($88)，中間用番茄整成朵花咁，插上蠟燭，估唔到又幾浪漫喎！講番舊雞，啖啖肉，肉質嫰滑，味道酸辣，我唔太食辣，都幾刺激。Kashmiri Pulao Rice 喀什米爾黃飯 ($58)，估佢唔到，係甜既！入面既「餸」係生果同腰果，好有新鮮感，當飯後甜品食都得！Garlic Naan 蒜蓉烤餅 ($30)，好大塊，等如我兩塊面咁大，$30抵食。上面除左有蒜蓉，亦有芫荽，香氣怡人。Spicy Pan Prawn 香煎蝦球 ($108)，同想像中既中式蝦球好唔同，成碟都係番茄同洋蔥，酸咪咪，幾開胃。Fish Jalfrezi 魚柳雜菜咖喱 ($98)，魚柳肉大舊又無骨，好味；咖喱唔太辣，而
地方唔係好大，只有五六張枱，成間餐廳都充斥住印度咖喱味，好香，電視又播住印度MV，勁有feel。
侍應送黎印度薄脆兩塊，免費既，有三種醬汁可供選擇：辣椒、薄荷、燒烤，各有特色；薄脆一如其名，好薄好脆，中間有少許香草同胡椒粒，帶微辣。
Chicken Tikka 無骨燒雞($88)，中間用番茄整成朵花咁，插上蠟燭，估唔到又幾浪漫喎！講番舊雞，啖啖肉，肉質嫰滑，味道酸辣，我唔太食辣，都幾刺激。
Kashmiri Pulao Rice 喀什米爾黃飯 ($58)，估佢唔到，係甜既！入面既「餸」係生果同腰果，好有新鮮感，當飯後甜品食都得！
Garlic Naan 蒜蓉烤餅 ($30)，好大塊，等如我兩塊面咁大，$30抵食。上面除左有蒜蓉，亦有芫荽，香氣怡人。
Spicy Pan Prawn 香煎蝦球 ($108)，同想像中既中式蝦球好唔同，成碟都係番茄同洋蔥，酸咪咪，幾開胃。
Fish Jalfrezi 魚柳雜菜咖喱 ($98)，魚柳肉大舊又無骨，好味；咖喱唔太辣，而且仲有蔬菜，食落感覺更健康！
Mango Lassi 芒果乳酪特飲 ($48)，好香芒果味，同微酸既乳酪好夾，好好飲，係我既推薦。Post
