Greyhound Café (時代廣場)

Open Now

Now Closed

Greyhound 又有新分店啦，今次坐落喺銅鑼灣時代廣場夠曬方便，新店環境寬敞，設有唔少卡位，座位十分舒適，同隔離枱有一定距離，保持一定私隱度。泰式香燒原隻魷魚筒原隻魷魚筒燒得焦香入味，再配埋特色泰國醬汁酸酸甜甜又帶一點辣，十分惹味。炸魚配青芒果沙律魚肉乾脆無比配上甜甜酸酸嘅青芒果同醬汁，清爽醒胃。啖啖蟹肉黃咖哩虎蝦配印度煎餅黃咖哩色彩奪目，味道更加誘人，虎蝦已剝殼，一啖入口先感受到濃厚咖哩醬汁，再來係爽口紮實嘅蝦肉，加埋鮮甜蟹肉，呢度菜真係夠曬豐富。印度煎餅香酥可口，用嚟配咖哩一流。鮮蝦帶子墨魚汁麵麵條柔韌有致，蝦肉富有彈性，帶子鮮甜味美。招牌椰子味千層蛋糕椰子味忌廉、椰肉同薄一薄嘅班戟層層交疊，令人一啖接一啖，完全停唔到口。Coconut shake 邊食辣嘢，邊飲冰凍椰子冰簡直係絕配。Thai iced milk tea奶茶香濃幼滑，奶同茶嘅比例剛剛好。