Video
Read full review
2020-05-29
118 views
廚師發辦通常都係日本菜，但呢間黃店，提供既更似係香港菜！UO n主打創意料理，一共提供十二道菜式，但其實唔止十二道菜。菜式名無印喺餐牌上，只係上菜時店員會介紹。一黎有一道opening drink 係雙色魚籽梳打，有兩種飲法，可以將魚籽倒入杯度，一次過飲，又或者先食魚籽後飲梳打。我地選擇左前者，入口咬開魚籽，感覺幾特別。牛油果沙律，陳皮梅其實真身係牛油果，加埋落沙律都幾夾。煙薰鴨胸同鵪鶉蛋。開蓋後會有一陣煙霧，鴨胸同鵪鶉蛋食落都有濃濃既煙薰味道。剌身擺盤用左井字過三關既concept。可以以順時針方向食，食到最後既海膽魚幾正。呢度菜叫泥士，用左盆栽做主題，用雲吞皮包住海膽，可以加咖啡落去一齊食，幾特別。廢老湯用左平時咖啡用既虹吸壺方式去煮，再淋上海鮮啫喱到，熱湯會將啫喱稍稍溶化。啫喱用左魚去整，所以食落有魚味，幾鮮。單據係用左食用紙，所以都係可以食既！勁有創意。罰單寫住日期係2047年7月1日，明既就會明呢日係點解，不過可能都唔駛到2047喇。下面配牛脷，夠厚夠淋，配埋燒菠蘿幾正。最底仲有架車仔，兩碟係唔同款架。咸魚白菜好出色，左邊煎魚係熱食，幾香。右邊係用菜包住豆腐。底板寫左香港加油
UO n主打創意料理，一共提供十二道菜式，但其實唔止十二道菜。菜式名無印喺餐牌上，只係上菜時店員會介紹。
一黎有一道opening drink 係雙色魚籽梳打，有兩種飲法，可以將魚籽倒入杯度，一次過飲，又或者先食魚籽後飲梳打。我地選擇左前者，入口咬開魚籽，感覺幾特別。
牛油果沙律，陳皮梅其實真身係牛油果，加埋落沙律都幾夾。
煙薰鴨胸同鵪鶉蛋。開蓋後會有一陣煙霧，鴨胸同鵪鶉蛋食落都有濃濃既煙薰味道。
剌身擺盤用左井字過三關既concept。可以以順時針方向食，食到最後既海膽魚幾正。
呢度菜叫泥士，用左盆栽做主題，用雲吞皮包住海膽，可以加咖啡落去一齊食，幾特別。
廢老湯用左平時咖啡用既虹吸壺方式去煮，再淋上海鮮啫喱到，熱湯會將啫喱稍稍溶化。啫喱用左魚去整，所以食落有魚味，幾鮮。
單據係用左食用紙，所以都係可以食既！勁有創意。罰單寫住日期係2047年7月1日，明既就會明呢日係點解，不過可能都唔駛到2047喇。下面配牛脷，夠厚夠淋，配埋燒菠蘿幾正。最底仲有架車仔，兩碟係唔同款架。
咸魚白菜好出色，左邊煎魚係熱食，幾香。右邊係用菜包住豆腐。底板寫左香港加油💛同埋獅子山下既歌詞。
魚蝦蟹，碟用左平時既魚蝦蟹造型，極具香港風味。打開後係一件天婦羅，炸得香脆。
用菜包住三文魚，入面都有啲醬汁，有食韓燒feel
甜品有三款，造型最特別係Lego，有以假亂真既感覺。
Post
