Video
Read full review
2021-01-02
325 views
講起渣哥大家一定唔會陌生不過今日唔係想介紹魚蛋燒賣而係渣哥老闆開嘅大渣哥茶記因為係九龍灣少數性價比高嘅茶記所以成日幫襯今日lunch又同同事去食完次次去都保持到水準真係唔話得🌟午餐E🍳🍚XO醬叉燒蔥花滑蛋飯（$56）為左唔好做大嘥鬼所以叫左少飯少左半舊飯影相效果冇咁好😢如果正常食量嘅朋友唔叫少飯上碟會好似菠蘿包咁一個好靚嘅半圓形✨講返味道隻蛋炒到8-9成熟🤩🍳名符其實嘅滑蛋XO醬都大大pat🤤好多瑤柱同蝦米入面啲叉燒同配料十足叉燒全部都大大件😋肥瘦適中唔硬唔dry洋蔥亦煮得夠透🧅爽得黎冇嗆辣味個滑蛋會有枝甜豉油俾大家整色整水可以根據自己口味落幾多咁就唔怕師傅重手得滯碟隻太咸啦😁🌟午餐肉炒公仔麵（$58連熱飲）午餐肉炒公仔麵上枱嗰樣普普通通就咁望面頭午餐肉都唔多塊但係寶物沉歸底💎午餐肉大部分都係晒底墊住炒公仔麵午餐肉一啲都唔孤寒！塊塊都厚切5mm啖啖肉😋一路食一路數住😂成碟炒公仔麵都有10塊午餐肉架唔洗就住黎食驚食到尾冇晒肉比起出面其他餐廳嘅「好刀功」薄切午餐肉頹飯都要4字頭淨係睇份量呢個午餐肉炒公仔麵絕對對得住$58呢個價午餐肉有輕輕炸過所以非常香口🤤啲邊脆得黎冇燶邊🤫不過細聲說其實我
不過今日唔係想介紹魚蛋燒賣
而係渣哥老闆開嘅大渣哥茶記
因為係九龍灣少數性價比高嘅茶記所以成日幫襯
今日lunch又同同事去食完
次次去都保持到水準真係唔話得
XO醬叉燒蔥花滑蛋飯
29 views
0 likes
0 comments
🌟午餐E🍳🍚XO醬叉燒蔥花滑蛋飯（$56）
為左唔好做大嘥鬼所以叫左少飯
少左半舊飯影相效果冇咁好😢
如果正常食量嘅朋友唔叫少飯
上碟會好似菠蘿包咁一個好靚嘅半圓形✨
講返味道
隻蛋炒到8-9成熟🤩🍳名符其實嘅滑蛋
XO醬都大大pat🤤好多瑤柱同蝦米
入面啲叉燒同配料十足
叉燒全部都大大件😋肥瘦適中唔硬唔dry
洋蔥亦煮得夠透🧅爽得黎冇嗆辣味
個滑蛋會有枝甜豉油俾大家整色整水
可以根據自己口味落幾多
咁就唔怕師傅重手得滯碟隻太咸啦😁
午餐肉炒公仔麵
41 views
0 likes
0 comments
🌟午餐肉炒公仔麵（$58連熱飲）
午餐肉炒公仔麵上枱嗰樣普普通通
就咁望面頭午餐肉都唔多塊
但係寶物沉歸底💎
午餐肉大部分都係晒底墊住炒公仔麵
午餐肉一啲都唔孤寒！塊塊都厚切5mm啖啖肉😋
一路食一路數住😂成碟炒公仔麵都有10塊午餐肉架
唔洗就住黎食驚食到尾冇晒肉
比起出面其他餐廳嘅「好刀功」薄切午餐肉頹飯都要4字頭
淨係睇份量呢個午餐肉炒公仔麵絕對對得住$58呢個價
午餐肉有輕輕炸過所以非常香口🤤啲邊脆得黎冇燶邊
🤫不過細聲說其實我鐘意邪惡燶邊多啲
碟炒公仔麵夠鑊氣之餘啲麵炒得條條分明，冇痴實一舊舊
啲麵亦冇話好油膩，食完抹嘴都冇成口油
-
大家下次去大渣哥食飯除左食佢啲餐之外，不妨試吓佢啲炒野
食左咁多次大渣哥👍🏻佢啲炒野一直都水準唔錯
除左炒公仔麵之前仲有試過星米同炒貴叼都覺得唔錯🤪
Post
