南駅

Open Now

Now Closed

同事想食呢間餐廳好耐，於是就相約一齊食個lunch，順便離開公司互吐苦水。午飯時間等左一兩張枱就有位。是次叫了咖哩牛腩配飯（不太記得正式餐名），飲品要另加錢。咖哩有點似日式咖哩，偏甜不過稠度適中，很好送飯！本來以為牛腩只有幾件，但係原來有成6件大大件，肉身並不鞋身，底部更有薯菜，只係食餸都夠飽了。整體味道不錯，係一個好飽肚而性價比算高的午餐。同事就叫了咖哩炸豬扒烏冬，炸豬扒炸得juicy多汁，亦是另一推介。中午時間更免了加一。