喜記避風塘炒辣蟹 (謝斐道)

Open Now

Now Closed

朋友從外國返港，一於帶佢食番D香港馳名美食，佢話想食海鮮🦀🦐，咁就去喜記避風塘炒辣蟹。🦀招牌避風塘炒辣蟹🦀必點喜記招牌菜，蟹肉鮮嫩，搭配香脆炸蒜蓉粒，微辣調味，香氣撲鼻，非常好下飯。🥢椒鹽特瀨尿蝦🥢手臂咁長，超大隻瀨尿蝦，肉質鮮美，椒鹽調味連殼都酥脆入味，要吮埋個殼😂。🦪美國薑蔥生蠔煲🦪採用美國生蠔飽滿又大隻，肉質滑嫩，大量薑蔥香氣為蠔肉增添豐富層次，薑蔥又吸晒蠔味，忍唔住食晒。🐏枝竹羊腩煲🐏天氣凍最啱食羊腩煲補一補，羊腩炆得入味，湯底醇厚，加入枝竹同竹筍索晒吸收湯汁，口感增添層次。🥢招牌蟹油炒麵🥢招牌炒麵加入蟹油香氣撲鼻，麵條吸收蟹油精華，炒得乾身唔油膩。🐔脆皮皮沙鷄🐔脆皮鷄外皮炸得金黃酥脆，內裡肉質鮮嫩多汁，多風沙炸蒜粒好香口。餐廳晚市都幾滿座，而且服務不錯。