博多拉麵-火之鳥 (Moved) New Location

好少搵到唔洗加一既拉麵店，係一間唔夠20個位既小店，1位日本師傅主理，再加一個part-time妹妹。我食左lunch set ($70)，豚骨拉麵+餃子+汽水，豬骨湯唔係濃到漿口個隻，感覺唔油膩，個細麵彈牙幾唔錯，就咁飲個湯咸左少少，但浸住拉麵一羹羹食又覺得OK冇咁咸。叉燒半肥瘦，set 既話叉燒係得1片，就咁叫博多豚骨湯拉麵就有3塊叉燒($66)。但因為有餃子所以我都覺得足夠，脆皮日式煎餃唔錯，個皮薄又脆又鬆化! 仲有溏心蛋我都覺得係恰到好處。因為一人餐廳，都預左野會等耐少少，但整體感覺都不錯，各方面都好平均，食完都滿足亦夠飽，係一間不錯既街坊小店。