皇茶 (Closed)

係呢個珍珠奶茶舖頭氾濫嘅時候，呢間舖頭嘅珍珠奶茶竟然令我好深刻印象！ 首先當然係佢係💛💛，見到一定要支持下啦！ 見到佢嘅排行榜珍珠奶茶排第三四名，都覺得應該唔會伏點知試完之後覺得好好飲！ 佢最獨特嘅就係佢嘅茶味，好濃而且好有韻味，唔係普通嘅紅茶！ ！ 應該係烏龍或者特別啲嘅茶~ 而且奶味非常重！ 我個人好鍾意飲牛奶，飲得出唔係奶精係真係用鮮奶沖嘅~ 雖然唔係佢第一推介但係已經好好飲！ 同埋珍珠口感都好好，而且甜味都適中！ 總括而言真係好值得試！好飲過好多開到周街都係嘅珍珠奶茶舖頭~