One Small Step (Under Renovation)

已經去過三次，今次因為俾佢個彩虹牆吸引，決定同仔仔喺呢間餐廳舉辦一歲生日會，book咗佢嘅Rainbow room，貪方便唔使另外俾錢做back drop🫢。影咗好多靚相之餘，客人都讚嘢食好食！事前員工幫我哋plan 流程表，確保我哋流程暢順，結果生日會順利圓滿舉行 😍 佢哋餐廳唔算太大，但係環境舒服，地方乾淨，令到我可以放心比小朋友周圍玩。佢哋party係人頭收費，彩虹房最低消費係$8,000。我哋唔夠人數，但係加埋candy corner就啱啱好夠數（蛋糕是額外加錢訂的）。總括嚟講，雖然唔係叫做平，但係客人個個都食得好開心，同埋仔仔一歲生日影咗咁多靚相係值得嘅 😍