築地‧山貴水產市場 (Closed)

築地·山貴水產市場都開了一段時間，今日終於約到朋友黎到呢到食晚飯。我們選了市場最入面的壽司吧食壽司同刺身，沿途經過超級市場，有不同種類的產品售賣，亦有食海鮮丼、浜燒海鮮及其他美食的區域。壽司吧環境舒適，而且樓底高空間感強，望埋個靚靚夜境，夾啱時間仲可以睇到幻彩詠香江，真係 good feel。先叫了個龍蝦海鮮泡飯暖暖胃先。賣相靚，材料又豐富，主打的龍蝦，食落肉質爽口又有彈性，味道亦鮮甜。除了龍蝦，還有大大隻的蠔肉和蜆肉及其他配菜，而且湯好清甜，又熱辣辣，食落令人回味。想不到這個泡飯咁有驚喜！另外叫了 Set A 吞拿魚壽司盛和海膽手卷。一次過可以食到五款不同的吞拿魚壽司，由上至下有大及中吞拿魚腩，當然唔少得赤身啦，還有炙燒吞拿魚腩及香蔥吞拿魚腩蓉軍艦，件件都咁好食，令人食指大動呀！吞拿魚新鮮肥美，食落有口感，而且肉質嫩滑！而海膽手卷啲海膽好鮮甜，份量超多，每一口都食到美味的海膽！十分期待的山貴刺身盛、珍寶北海道牡丹蝦同三文魚腩，件件都厚切又閃令令，睇見都想食，好正。刺身盛有鮮甜的海膽、入口即化的吞拿魚腩及其他美味的刺身。不容忽視的牡丹蝦，味道甘甜又大隻，食落啖啖肉，令人想再encore