築地‧山貴水產市場 (Closed)

日本魚市場當然非常出名，黎到香港，灣仔嘅築地山貴都吸引大眾喜愛，因為呢層都有不同款式嘅東瀛美食，俾大家慢慢選擇！選擇左食浜燒嘅餐廳位置，但食浜燒之前，一樣可以選擇食壽司。呢客壽司盛有海膽、三文魚籽、三文魚、香蔥魚腩蓉軍艦等等。最吸引當然係海膽軍艦，入口相當軟滑，濃郁嘅海鮮咸香味，唔需要點鼓油都有足夠味道。香蔥魚腩加上香蔥，香味突出；而三文魚籽粒粒大粒，入口脆卜卜有口感，海鮮鮮味亦香盛！接著浜燒海鮮盛有鮑魚、大蝦、生蠔、元貝，款款都係即叫即捉，上檯時仲好生猛。燒元貝同帽隻可以加入清酒同味噌，加添香味，更提升到海邊鮮味！生蠔份量亦大隻，質感豐厚，燒熟後香味更有層次！而鮑魚同大蝦當然亦唔可以錯過，燒大蝦時可以曬上鹽花，令蝦殻更香脆，蝦肉亦彈牙豐厚，質素相當高；而鮑魚唔單止賣相吸引，群邊煙韌，鮑魚魚身亦厚實，同朋友一人一隻開心share!