海記合桃坊甜品

Open Now

Now Closed

忽然想食合桃糊，於是上網查下附近有沒有出名的糖水鋪，見到海記有個沙沙合桃糊，有合桃粒粒咬下好似幾正，於是就行過去買碗試下。當日先行去舊鋪，遇上整冷氣未開門，以為無得食之際，就見到隔離街原來開了新店，店面環境更靚更舒服，下次我就識路啦！除了合桃糊，店內也有各式中式糖水豆花，仲有台式芋圓甜品添。外賣兩個甜品帶走，上面的合桃碎和糖粉，都係回家自己倒的，唔會浸到腍晒。沙沙合桃糊HK$32合桃糊夠香夠濃夠滑但又唔會好甜，有合桃粒咬下多個口感係無咁膩，食完一碗好滿足。糖不甩HK$26好耐無食糖不甩，其實主要想有煙韌的波波咬下，湯圓夠晒彈牙，沾上砂糖、芝麻、花生和椰絲粉，簡單又美味。真高興找到附近有好吃的糖水店，得閒又再去買下先。