Video
Read full review
2022-12-09
1101 views
你有無食過太子間包販子的純素漢堡呢？佢地結業之後無得食覺得可惜，終於最近化身Cutting Onions出現在紅磡，繼續純素友善，包款仲多左添！第一次來到紅磡新商場啟岸，走日本風路線，聚集各種食店和咖啡店之類，又係d新發展項目掛。找到電梯上1樓，Cutting Onions在角落的位置。新店環境都幾寬敞又舒服，空間感夠開揚。雪櫃有Kombucha和啤酒等等。店內亦有本地農產可以買。平日午餐有套餐，有主食有小食仲可以任揀飲品，又幾開心。純素選擇有四款包兩款意粉。部分牛奶飲品可以免費轉植物奶。堅堅包 HK$72原本想食菇菇天貝包點知無，我朝早又已經食左素魚柳，結果揀左最簡單的牛油果包。堅堅即是 Green Green 的意思，基本上就係牛油果、生菜和番茄，唔算好fancy的配搭，但重點原來在於沙律醬和茄汁，夾埋就特別好食，好似麥記麥芝蛋包的原理。順帶一提，佢地個包真係幾好食，唔係大量入貨果種無靈魂漢堡，咬落有香味。小食揀了洋蔥圈，炸得幾好食，個醬又唔係一般沙律醬咁簡單，入面滿載小粒蔬菜都幾有趣。飲品我揀左熱朱古力轉豆奶，都幾好飲。佢地的純素包係幾好食，環境望落亦非常好坐，之後得閒要再去食下
你有無食過太子間包販子的純素漢堡呢？佢地結業之後無得食覺得可惜，終於最近化身Cutting Onions出現在紅磡，繼續純素友善，包款仲多左添！
第一次來到紅磡新商場啟岸，走日本風路線，聚集各種食店和咖啡店之類，又係d新發展項目掛。找到電梯上1樓，Cutting Onions在角落的位置。
新店環境都幾寬敞又舒服，空間感夠開揚。
雪櫃有Kombucha和啤酒等等。
店內亦有本地農產可以買。
平日午餐有套餐，有主食有小食仲可以任揀飲品，又幾開心。
純素選擇有四款包兩款意粉。
部分牛奶飲品可以免費轉植物奶。
堅堅包 HK$72原本想食菇菇天貝包點知無，我朝早又已經食左素魚柳，結果揀左最簡單的牛油果包。
堅堅即是 Green Green 的意思，基本上就係牛油果、生菜和番茄，唔算好fancy的配搭，但重點原來在於沙律醬和茄汁，夾埋就特別好食，好似麥記麥芝蛋包的原理。順帶一提，佢地個包真係幾好食，唔係大量入貨果種無靈魂漢堡，咬落有香味。
小食揀了洋蔥圈，炸得幾好食，個醬又唔係一般沙律醬咁簡單，入面滿載小粒蔬菜都幾有趣。飲品我揀左熱朱古力轉豆奶，都幾好飲。佢地的純素包係幾好食，環境望落亦非常好坐，之後得閒要再去食下。
Post
